ULWIMBO 102
“Muwakwavwa Awatonte”
-
1. Swe wantu swensinye
Tukaluvyanya.
Lelo Yehova Leza,
Akatusunga.
Awa luse sana,
Swinya, watukunda.
Naswe tuwakundana
Nu kwavwa wanji.
-
2. Limwi awanawitu
Wanganenuka.
Tungawawomelezya
Ku mazwi yitu.
Nanti wangatonta;
awakwe Yehova.
Tuwawasansamusya
Nu kuwawomya.
-
3. Tutawakalipila
Twawa nu luse
Nga tuli ni cikuku
Tuliwawomya.
Fwandi twawombesya,
Twawawomelezya.
Tuliwasansamusya,
Tuliwawomya.
(Lolani na Ayize. 35:3, 4; 2 Kor. 11:29; Gal. 6:2.)
