NCIPO 102
“Wakhaviherya Alipa Òthoiwa”
-
1. Oothene nookhalano soohesa sahu.
Naamwi hiiha Yehova onnanipwacha.
Yehova teepewe ni toosivela tho.
Nimutakiheryeke mu ekum’ahu.
-
2. Mu ikwaha ikina annakhalavo
Annihu a muloko anathanana.
Naakhaviheryeke ni waahakararya.
Moorweela wa sooloca naari miteko.
-
3. Nihirwe naanyemule yaale oothoiwa!
Nikhale oosivela wi evilele.
Ni ikuru sahu naakhaviheryeke
Wi ewerye okhala oohakalala.
(Moone tho Isa. 35:3, 4; 2 Kor. 11:29; Gal. 6:2.)
