1. Rəbb Yehova məhəbbətdir,

Haqq yola səslər bizi.

Xeyirxah işlər görməklə,

Gəl Onu salaq razı.

Məsihin məhəbbətidir

Bizlərə təkan verən.

Allahı da, insanı da

Biz sevək gərək qəlbdən.

2. Çeşməsi eşqin tükənmir,

Sevgidən sevgi doğur.

Rəbb hədsiz bir məhəbbətlə

Quluna arxa durur.

Məhəbbət təmizdir, safdır,

O dözür hər möhnətə.

Qardaşlıq məhəbbətilə

Qovuşarıq vəhdətə.

3. Nifrəti, kini sən qoyma

Qəlbinə olsun hakim.

Var gücünlə Allahı sev,

Ol təkcə Ona təslim.

İnsanı qəlbdən sevməklə

Qanunu icra edək.

Sevgini izhar etməklə

Allaha gəl bənzəyək.