1. Kalunga hakupwa zangi,

Tupwenunga nazangi.

Natulinganga vyamwaza

Nge natupwa nazangi.

Kuyoya kana chikiko

Twasaka kupwa nacho.

Natusololanga zangi

Ngana yize yaYesu.

2. Tweji kwambulila vatu

Mwomwo tukwechi zangi.

Nge twahombo mwatukafwa

Nakutujikijisa.

Zangi kayevwa lwisoko,

Yeji kutetelanga.

Tuzangenu vandumbwetu,

Tulivwise kuwaha.

3. Kanda kulamanga koko,

Yifungululenunga.

Fwelelenunga Kalunga

Amitwaminyinenga.

Kuzanga Tengi navatu

Chikiko chasakiwa.

Tulondezeze Kalunga

Hakuzanga vakwetu.