1. Vit boyggja okkum í bøn til Gud

og biðja hann um at fáa lut

í øllum dygdum, sum lýsa hann,

tó fremstan seta vit kærleikan.

At vita nógv og at duga alt

er uttan kærleika tómt og kalt.

Við anda Guds okkum eydnast kann

at menna ektaða kærleikan.

2. Hin sanni kærleikin merkir sær,

hvat øðrum tørvar, og hjálpir har.

Hann fyrigevur og fjalir synd

sum Jesus, okkara fyrimynd.

Í trongdum tolir hann trúgvur ilt

og skýggjar tað, sum er ónt og spilt.

Á øllum kærleikin sigra kann,

og ei á ævini svíkur hann.