1. Vajtswv peb tuaj txoos ua ke thov koj,

Pab peb xyaum koj tej yam ntxwv txhua nrho.

Yam tseem ceeb tshaj ntawm txhua yam huvsi,

Yog txojkev hlub, koj lub hwj huam txi.

Txawm yog peb yuav txawj txhua yam thiab ntse,

Los tsis cuag peb sib hlub sib koom tes.

Thov txhua tus muaj kev hlub kev sov siab,

Peb thiaj txawj sib pab thiab txawj sib qhia.

2. Kev hlub qhia kom peb ua neeg paub cai,

Yuav tau xaiv tej lus peb tsa ncauj hais.

Kev hlub qhia tias txhob muaj kev ntxub ntxaug,

Hlub txhua tus li Yexus qhia tseg thaud.

Kev hlub thev taus txhua yam tsis ncaj ncees,

Peb yuav tau sib pab ris nra ua neej.

Txojkev hlub daws tau txhua yam kev chim,

Thiab thev taus txhua yam mus tas ib txhis.