MAHKAWN 106
Tsawra Myit Hpe Shalat Ai Lam
(1 Korinhtu 13:1-8)
-
1. Karai a atsam ningja ni hpe
Shalat lu hkra anhte akyu hpyi.
Yawng hta na grau ahkyak dik htum gaw
Karai Kasang kaw na tsawra myit.
Anhte magrau grang, hpaji rawng tim,
Tsaw myit kawp mat yang akyu n nga.
Jet ai tsaw myit lu hkra akyu hpyi,
Galaw hkawm sa lam hte madun ga.
-
2. Tsawra myit gaw gam jaw gam ya chye,
Myit tau ya, tingkyeng akyu n tam.
Nju ndawng myit galoi n nga,
Yesu zawn mara ni hpe raw ya.
Tsawra ai myit gaw hkam sharang lu,
Grai li ai lit ni hpe pyi hpai lu.
Yakhkak lam hpe tsaw myit hte awng dang,
Tsawra myit gaw galoi n hkrat sum.
(Yhn 21:17; 1 Ko 13:13; Gal 6:2 ni hpe mung yu u.)