KÁNTIKU 106
Nu sforsa pa mostra amor
-
1. Kes kualidadi ki nos Deus ten,
Nu pidi pa nu tene-s tanbê.
Amor é kel ki é prinsipal,
Na tudu kuza Deus ta mostra-l.
Taléntu‿ô zelu ka ten valor,
Si nu ka sforsa pa mostra‿amor.
Nton, nu pidi na orason
Pa nu tene-l na nos korason.
-
2. Amor sinseru ten txeu valor,
El ka ta guarda ninhun rankor,
El sabe púrdua di korason
I da bons kuza pa nos irmon.
El ten paxénxa, el é lial,
El ta djuda-nu aguenta mal,
El é más fórti ki provasons,
É el k’é forsa di nos union.
(Odja tanbê João 21:17 ; 1 Cor. 13:13; Gál. 6:2.)
