1. Bon lawˬ ve hkʼaw Gʼuiˬ sha htaꞈ kʼoˆ piˇ.

Yawˇ te hkʼaˇ dawˇ hkʼaˇ hkʼaˇ suh te gaˇ.

A yeˇ uiˍ jaˇ teˇ ceuˬ lehˬ haꞈ pehnˇ,

Daꞈ kehˬ ve awˬ ha hpu geh laˬ ve.

Ngaˬ hui cuˇ yiˍ cawˬ leh haꞈ hanˉ htawˇ,

Haꞈ pehnˇ ve maˇ cawˬ, awˬ bon maˇ cawˬ.

Ngaˬ awˬ tehˬ ve haꞈ pehnˇ ve lawˬ chehˇ,

Teˇ ceuˬ le le haꞈ pehnˇ ve hkʼaw te.

2. Shu htaꞈ ga piˇ tuˬ awˬ hkʼaˇ ca ve,

Yawˇ hui awˬ pon dawˇ nyi piˇ ve yoˬ.

Haꞈ pehnˇ ve lehˬ venˇ baˆ maˇ taˍ puiˉ,

Awˬ viˉ awˬ nyi htaꞈ venˇ baˆ hpehˇ piˇ.

Maˇ hteˇ ve gʼa hpuˇ htaˇ, yeunˇ hkanˍ gʼa.

Awˬ vuiˬ hehnˇ jaˇ cawˬ htawˇ, pfuhˇ chehˇ ve.

Haꞈ pehnˇ ve lawˇ nyi ve htaꞈ gʼaˇ ve,

Yeunˇ hkanˍ puiˉ leh maˇ luˬ kʼai tuˬ yoˬ.