ഗീതം 106
സ്‌നേഹം നട്ടുവളർത്താം
-
1. യാഹേ, നിൻ ശ്രേഷ്‌ഠഗുണങ്ങൾ നീ
വളർത്തിടേണമേ ഞങ്ങളിൽ.
അതുല്യമാം തിരുസ്‌നേഹമോ
എല്ലാ നൻമകൾക്കും മൂലമാം.
നിൻ സ്‌നേഹം ഞങ്ങളിലില്ലെന്നാൽ
ഈ ജീവിതം എത്ര ശൂന്യമാം.
നിന്നെപ്പോൽ ആർദ്രമായ്‌ സ്‌നേഹിപ്പാൻ
നാഥാ നിൻ സഹായമേകണേ.
-
2. ആത്മാർഥ സ്‌നേഹം സഹായമാം
നിസ്വാർഥമായ്‌ കരുതീടുവാൻ,
ഉദാരരായ്‌ ഞങ്ങൾ മാറിടാൻ,
വിരോധങ്ങൾ മറന്നീടുവാൻ,
ക്ഷമിക്കുവാൻ അപരാധങ്ങൾ,
വൻ ഭാരങ്ങൾ എന്നുമേറ്റുവാൻ,
എപ്പോഴും ശുഭപ്രതീക്ഷയിൽ
എല്ലാം സഹിച്ചു നിന്നീടുവാൻ.
(യോഹ. 21:17; 1 കൊരി. 13:13; ഗലാ. 6:2 കൂടെ കാണുക.)
