1．俯頭謙卑向上帝祈求：

伊的美德，咱全心追求。

佇所有美好特質當中，

愛心耶和華是上看重。

無論咱偌呢仔有才情，

若無疼心完全無路用。

願咱的疼心溫暖實在，

講話行事攏表現仁愛。

2．愛心互咱仁慈相款待，

無私的付出對人慷慨。

愛心袂拾恨顛倒原諒，

照耶穌吩咐互相寬容。

咱有堅強的愛佇心內，

受患難就有氣力忍耐。

愛，贏過考驗互咱徛在；

愛，包容一切，永遠存在。