1. Jehobah Allah ya kafa misali

Na ƙauna, na ƙauna.

Ya nuna ƙauna ga dukan ’yan Adam,

Mu ƙaunaci mutane ma.

Jehobah Uba, ya aiko da Yesu

Don ya gafarta laifofin ’yan Adam.

Babu mai ƙauna irin ta Jehobah,

Jehobah mai ƙauna ne sosai.

2. In mun bi misalin Allah Jehobah

Yadda ya yi ƙauna.

Za mu ƙaunaci dukan ’yan’uwanmu,

Ba ƙiyayya, ba bambanci.

Kar mu ce muna ƙaunar Maɗaukaki,

Amma mu ƙi bin dokar da ya ba mu.

Mu so ’yan’uwa duk da kasawarsu,

Mu yi ƙauna da duk zuciya.

3. Ƙauna tana sa mu zama tsintsiya

Mai maɗauri ɗaya.

Shi ya sa Jehobah ke gayyatar mu:

“Mu kasance da haɗin kai.”

Mu zauna tare, mu more salama,

Kalmarsa da ruhunsa na da iko.

Suna sa mu ƙaunaci ʼyan’uwanmu

Domin Jehobah na da ƙauna.