ഗീതം 107
സ്‌നേഹത്തിന്റെ ദിവ്യമാതൃക
-
1. ദൈവത്തിൽനിന്നും പഠിക്കുന്നു നമ്മൾ
സ്‌നേഹത്തിൻ പാഠങ്ങൾ.
നമ്മോടുള്ള തൻ കരുതലിലെല്ലാം
സ്‌നേഹദയ കാണുന്നു നാം.
നമ്മെ രക്ഷിക്കാൻ നമുക്കായ്‌ യഹോവ
പ്രിയ മകന്റെ ജീവൻ ബലി നൽകി.
ദൈവസ്‌നേഹമോ അനുപമമല്ലോ,
യഹോവ തൻ മാർഗം സ്‌നേഹമാം.
-
2. തിരുവഴിയേ ചരിക്കുകിൽ നമ്മൾ
സ്‌നേഹിക്കും ആഴമായ്‌.
ഉണർത്തും നമ്മെ പരിശുദ്ധസ്‌നേഹം
ഉറ്റവർക്കായ്‌ ജീവൻ നൽകാൻ.
ദൈവസ്‌നേഹത്തിൽ നിലനിന്നിടാനായ്‌
ഉറ്റു സ്‌നേഹിക്കാം സോദരങ്ങളെ നാം.
സ്‌നേഹിതരുടെ ദോഷങ്ങൾ മറന്ന്‌,
നാം സ്‌നേഹത്തിൻ മാറ്ററിയിക്കാം.
-
3. ഒരുമിച്ചൊരു കുടുംബമായ്‌ മാറാം,
നാമെല്ലാം സ്‌നേഹത്തിൽ.
ഒരുമയുടെ രുചി നുകരാനായ്‌
ദൈവം നമ്മെ ക്ഷണിക്കുമ്പോൾ,
സ്‌നേഹമാധുര്യം അനുഭവിക്കാം നാം.
സ്‌നേഹശൂന്യമാം ഈ വിഷമനാളിൽ
ദൈവാത്മാവിനാൽ സ്‌നേഹം വളർത്താം നാം.
യഹോവ തൻ മാർഗം സ്‌നേഹം താൻ.
(റോമ. 12:10; എഫെ. 4:3; 2 പത്രോ. 1:7 കൂടെ കാണുക.)
