1. Jehova bewiest em räden un haundlen:

Hee es Leew, woare Leew.

Waut hee fa ’ne groote Leew haft fa aundre,

lat hee ons seen’ derch waut hee deed:

Hee jeef sienen Sän, dee sull fa ons stoawen

aus Opfa, om ons vom Doot to bewoaren.

Dit groote Jeschenkj jeef Gott ons von Hoaten!

Daut’s siene Leew. Wies Leew, soo aus hee!

2. Wie foljen Gott no, ha’n unjarenaunda

woare Leew, soo aus hee.

Soo leeftolich senn’, daut well wie ons aunwan’,

aulentiet reed, aundre to deen’.

Wäa Leew haft fa Gott, dee leeft siene Breeda;

daut es de Bewies: Wie sent siene Deena.

Wie hool’n ons togood, wiels wie woare Leew ha’n.

Dit es de Leew, waut werkjlich waut meent.

3. Soo aus ’ne Famielje sent wie vebungen,

faust veeent derch de Leew.

Wie ha’n woare Frind un Breeda jefungen;

Gott lat ons seen’, waut Eenheit meent.

Jehova Gott lieet ons, Leew to bewiesen;

hee jeft ons sien’ Jeist, daut wie doabie bliewen.

De volkomne Leew saul emma ons Ziel senn’.

Wies soone Leew, aus Gott ons bewees!