CANCIÓN 107
Dios rusiidiʼ laanu gannaxhiinu
-
1. Rusiidiʼ Jiobá modo gannaxhiinu,
purtiʼ laa rannaxhii.
De guiráʼ xixé binni gannaxhiinu;
purtiʼ zacá runi Jiobá.
Rihuinni dxandíʼ nadxii Diuxi laanu;
biseendaʼ Jesús guti pur guiranu.
Lu guiráʼ xixé ni runi Jiobá Dios,
rihuinni nuu guendarannaxhii.
-
2. Pa nadxiinu Dios, laaca zannaxhiinu
casi laa de guiráʼ.
Nahuiiniʼ, naróʼ, de iráʼ zannaxhiinu
ne tobi si ziuu de guiráʼ.
Pa nadxiinu iráʼ ca hermanu stinu,
zudíʼnanu iráʼ ni iquiiñeʼ de laanu
ne guiráʼ xixé ni gúnicaʼ laanu,
zusiáʼndanu donda stiʼ guiráʼ.
-
3. Pa tobi si chuʼ guiráʼ ca hermanu,
zannaxhii de guiráʼ.
Nga runi Jiobá cayabi de iranu
chinándanu ejemplu stiʼ.
Lu Stiidxaʼ Jiobá, rusiidibe laanu:
gannaxhiinu iráʼ, de iráʼ ca hermanu.
Zusiéchenu Dios pa gannaxhiisaanu.
Laabe nga Dios, Dios ni rannaxhii.
(Laaca zanda gú’ndalu’ Rom. 12:10; Efes. 4:3; 2 Ped. 1:7).