111 ÜLKANTUN
¿Chem mu am ayüwküleiñ?
-
1. Fente ayüwün ñi piwke mu,
feymu mañumfiñ ta Jewba.
Doy tremkülerkey ñi trokiñche
kidu ñi püramyengeal.
Fill antü puwkey ñi piwke mu
Jewba ñi wülkeelchi Dungu.
Papeltufili tati Biblia,
tüfa eluaenew ayüwün.
Rupali wedake dungu mu,
ti rüf ayüwün tañi nieel,
amulekape ñi piwke mu,
Jewba eluaenew ñi newen.
(WIÑO ÜLKANTUAL)
Taiñ Chaw Jewba mu küpay
ti rüf ayüwün piwke mu.
¡Afmatufali kidu ñi dewman!
Wenu Chaw piwkeyenieeiñmu.
-
2. ¡Awem!, feypipen ñi pefiel mu,
Jewba kom tañi dewmael.
Müna mañumfiñ kom tüfa mu:
wenu, nag Mapu ka lafken.
Feymu wüldunguan itrokom che
Chaw Dios ñi kümeke dungu.
Tañi Ngünenien ñi femkeel mu,
dunguan kom wallon Mapu mu.
Ngünenietule Jesukristo
ayüwkületuay kom pu che.
Rakiduamli ti we Mapu mu,
ayüwkülekey ñi piwke.
(WIÑO ÜLKANTUAL)
Taiñ Chaw Jewba mu küpay
ti rüf ayüwün piwke mu.
¡Afmatufali kidu ñi dewman!
Wenu Chaw piwkeyenieeiñmu.
(Kafey papeltuafuymi Deut. 16:15; Is. 12:6; Juan 15:11).
