KANTA 111
An mga Dahilan Niyatong Maggaya-gaya
-
1. Dakulon an dahilan niyato
Tanganing kita mag-ugma.
An mga namumutan nin Diyos
Nakikiiba satuya.
An Tataramon ni Jehova
Nakakapagaya-gaya.
Sa aroaldaw na pag-adal,
Minakusog pagtubod ta.
An puso garo naglalaad
Dahil maugmahon kita
Dawa igwang mga problema,
Kita tatabangan ni Jah.
(KORO)
Kaugmahan niyato an Diyos,
Bantog an mga gibo niya.
Kadunungan niya daing kapantay,
Siya marahayon talaga!
-
2. An langit, daga, asin dagat
Pambihirang gibo nin Diyos.
Enterong mga linalang niya
Inuumaw ta nin lubos.
Satuyang ipinapahayag,
Kahadian ni Jehova;
Pagkamundag ka’yan ihulit
Pati bendisyon na dara.
Nagsusupay na kaugmahan
Satuya nang makakamtan;
Sa bagong daga asin langit
Iyan mayong katapusan.
(KORO)
Kaugmahan niyato an Diyos,
Bantog an mga gibo niya.
Kadunungan niya daing kapantay,
Siya marahayon talaga!
(Hilingon man an Deut. 16:15; Isa. 12:6; Juan 15:11.)