ULWIMBO 111
Ifilenga Tulesekelela
-
1. Ifilenga tusekelele
Fyalifule cine cine.
Ifintu fisuma fya mu nko
Fileisa mu kupepa.
Mu Cebo ica kwa Yehova
E mufume nsansa shesu.
Nga twakonke fyo citufunda,
Tuba ne citetekelo.
Ifilenga tusekelele
Fyaba mu mitima yesu.
Nangu tucule no kweshiwa,
Lesa ’latupeela maka.
(KORASI)
Yehova e nsansa shesu,
Twalitemwe fyo acita.
Yehova Lesa wa mano nga nshi,
Musuma e lyo wa maka!
-
2. Tulatambe milimo yakwe,
Umuulu, bemba, ne calo.
Nga twalolesha ifi fintu,
Tulamutootela nga nshi.
Tulashimikilako bambi,
Pa Bufumu bwa kwa Lesa.
Kabili tulashimikila
Pa mapaalo bukaleta.
Nomba line tuli no kwanga
Ilyo fyabipa fikapwa.
Myulu ipya ne sonde lipya
Fikatuletele nsansa.
(KORASI)
Yehova e nsansa shesu,
Twalitemwe fyo acita.
Yehova Lesa wa mano nga nshi,
Musuma e lyo wa maka!
(Moneni na Amala. 16:15; Esa. 12:6; Yoh. 15:11.)
