WƐ́ÐƐ́ 111
Múàùn-Po-Ðɛ̀ Ɓè À Ɓéɖéɛ
-
1. Múàùn-po-ɖɛ̀ ɓè à ɓéɖé kɛɛ ɓúá kpéín
Kà ɓã-ɖɛ̀ dyíà ɔ kɔ̃̀-nyɔ̀ xwaa.
Nyɔ ɓè ɓɛ́ à Ɓà hwòɖò dèìn múin nyɛɛ
Nì kɔ̃ kpáuń ɖé ɓóɖó-kpàà dà séín.
Múà ɓɛ́ à ɓéɖéà kɛɛ ɓá ɖɛín-ɖɛ̀ dyí,
Ké ɔ sɔ̀ìn ɖé Geɖe-pɔɔ wuɖuɔ̀ mú.
À wɔ̃́ ɔ jàà-wùɖùɔ̀ ɓó ti séín ɓaɖa.
Hwìɖìì-taɓa-taɓa sɔ̀ìn ɖɛ à wɔ̃́ɛ mú.
À múàùn-po-ɖɛ̀ ɓèɔ̀ dyíìn ɖé à múin
Kà nyɛ wãà ɖé à hwòɖòɔ̀ xwíníín nyɛ.
Mú-dɔ̃̀-dɔ̃̀ ɓè dyi à kɔ̃ tee, kɛɛ
À kpé sɔ̀ìn ɖé Jɛ-ho-va gbo.
(WƆ̃́ÌN-WƆ̃́ÌN)
Jɛ-ho-va à Ɓà mɔ̀ à múà.
Ɔ sɔ̃ɔ̀ mɛɛ-ɖɛ̀ ɓè nɔ̀mɔ̀ à hwìɖìi.
Ɔ fɔ̀nɔ̀ hwòɖò mìɔ cá; Ɔ nyu dĩ́ín-dĩ̀ìn-ɖɛ̀.
Ɔ nɔ̀mɔ̀ kpeɖeín ɖé ɖɛ séín ɓè mú.
-
2. À kpáìn ɔ mɛɛ-ɖɛ̀ ɓèɔ̀ jè múàùn dyi.
Wa mɔ̀ dyɔɔ̀ kè ɖɛ tɔ̀ɔ̀ séín ɓèɔ̀.
À dyi dɛ̀ cɛ̃à wa séín jèɛɛ gmɔ̀ ní,
À ɓaɖa xwa-gbàà ɓó ɔ kũ̀àɔ̀ jè.
À nyu zà-se kàùn dyììn ɖé múà mú,
Ké à cɛ̃ bɔ̃̀ ɓá Kã́á-ɓòɖòɔ̀ dyíɛ.
Ɔ dyi dè jè kè mana ɓè ɔ ɓéɖéɛɛ,
À po wa jè zio ɖé dà séín.
Múà ɓó sè-ná-sèɛ̀-tiín nyɛɛ nì dyiɛń
Kà zɔ̃-cè gbɛ̀àìn dyi ɖé hwɔɖɔún wɛ̃.
Dyɔɔ̀ ɖìè kè ɓóɖó ɖìè à dèà hwòɖò kɔ̃ɛɛ
Mu múà dyàùn ɓó sè-ná-sèɛ̀-tiín.
(WƆ̃́ÌN-WƆ̃́ÌN)
Jɛ-ho-va à Ɓà mɔ̀ à múà.
Ɔ sɔ̃ɔ̀ mɛɛ-ɖɛ̀ ɓè nɔ̀mɔ̀ à hwìɖìi.
Ɔ fɔ̀nɔ̀ hwòɖò mìɔ cá; Ɔ nyu dĩ́ín-dĩ̀ìn-ɖɛ̀.
Ɔ nɔ̀mɔ̀ kpeɖeín ɖé ɖɛ séín ɓè mú.
(Dyé Dìtɔ̀. 16:15; Àzé. 12:6; Jɔ̃́ɔ́ 15:11 ɖekè.)
