DODING 111
Na Parohkon Malas ni Uhur
-
1. Marmalas ni uhur do hita
Anjaha marolob-olob;
Buei halak hun ganup bangsa
Dihut manombah Jahowa.
Halani Hata ni Naibata,
Malas do homa uhurta;
Ganup ari mambasa Bibel,
Toguh ma haporsayaon.
Malas ni uhur lambin banggal,
Dos songon gara ni apuy.
Age marsitaronon hita,
Sai urupan ni Jahowa.
(REFREIN)
Sai Jahowa do na mambaen
Hita marmalas ni uhur.
Talar do humbai na tinompa-Ni
Pingkiran ampa kuasa-Ni!
-
2. Kawahkon ma na tinompa-Ni:
Langit, tanoh, ampa laut.
Jenges tumang janah madear
Haganup pambahenan-Ni.
Ringgas hita mambaritahon
Harajaon ni Naibata.
Megah uhurta patugahkon
Das bani sab dunia on.
Sai totap marmalas ni uhur,
Dos songon mata ni ari.
Gok pasu-pasu ni Jahowa
Parohkon malas ni uhur.
(REFREIN)
Sai Jahowa do na mambaen
Hita marmalas ni uhur.
Talar do humbai na tinompa-Ni
Pingkiran ampa kuasa-Ni!
(Tonggor homa 5 Mus. 16:15; Jes. 12:6; Joh. 15:11.)
