LAGU 111
Alasenta Tetap Ermeriah Ukur
-
1. Mbue kap alasenta gelah
Tetap ermeriah ukur.
K’rina si nggit itarik Jahwe
Dungna ersada ras kita.
Keriahen si bas pusuhta
Sumberna arah Pustaka.
Sipelajari tiap wari,
Paguh me kinitekenta.
Keriahenta bagi api,
Terus gara bas pusuhta.
Gia melala masalahta,
Jahwe si nampati kita.
(REFREIN)
Jahwe sumber keriahen
K’rina si lit bas geluhta.
Arah ciptanNa t’ridah kuasaNa,
Kepentaren, ras kelengNa.
-
2. Nenlah k’rina si ’nggo ban Jahwe,
Langit, daraten, ras laut.
CiptanNa e tuhu mejile,
La kita bosan natapsa.
B’ritakenlah man k’rina bangsa
Kerehen K’rajan Dibata
Bage pe ras pasu-pasuNa
Si ertahan rasa lalap.
Ersurak kita muji Jahwe
Perban arapen si b’reNa,
Langit mbaru ras doni mbaru,
Si erban m’riah ukurta.
(REFREIN)
Jahwe sumber keriahen
K’rina si lit bas geluhta.
Arah ciptanNa t’ridah kuasaNa,
Kepentaren, ras kelengNa.
(Nen ka Ul. 16:15; Jes. 12:6; Joh. 15:11.)
