KÉL 111
Ekkewe Popun Sia Pwapwa
-
1. A chómmóng popun sia pwapwa,
A chék lapóló aúchear.
Chón mwú mi aúchea me ren Kot
Ra fitikich wóón fénúfan.
Pwapwaan letipach a fen ffot wóón,
Kapasen Kot mi núkúchar.
Sia kan kákkáé néúch Paipel;
O lúkú minne sia rong.
A usun chék sararaan ekkei,
Lón alóllóólun letipach.
Ikaamwo a torikich sóssót,
Nge Kot a elikiitúkich.
(CHORUS)
Jiowa Kot, i ach pwapwa,
Angangen péún ra amwarar.
An we tipachem a mmen alóllóól,
A lapalap an manaman!
-
2. Sa pwapwa ren férian kewe,
Kewe fénú, mataw me láng.
Sa mwaar ren angangen péún kewe,
Atun sa kúna férian.
Sia pworacho le pwáraatá,
Pwóróusen poputáán Mwúún Kot.
Sa pwapwa le arongafeili,
Pwe epwe wato feiéchúch.
A chék kkanoto ach pwapwaffóch,
Usun saramen winingách.
Láng sefé me fénúfan sefé
Repwe wato pwapwa ’semuch.
(CHORUS)
Jiowa Kot, i ach pwapwa,
Angangen péún ra amwarar.
An we tipachem a mmen alóllóól,
A lapalap an manaman!
(Pwal ppii Tut. 16:15; Ais. 12:6; Joh. 15:11.)
