1. Kan i lawmhnak a ruang tampi um,

A man a sungmi thil bangin.

Miphun kip chungin duhnungmi hna

Vawleicung pumpi in an ra.

Kan lung chungah lawmhnak hram aa sih,

Pathian Bia ah hrambunhmi si.

Mah cawnpiaknak nifate kan ngaih;

Hna theihnak in zumhnak kan ngei.

Lunglawmhnak kan ngeihmi cu a fek,

Kan lung chungah alhmi mei bang.

Harnak, hneksaknak kan ton hmanhah,

Inkhawhnak, Jehovah nih pek.

 2. A rianṭuanmi lunglawm in kan zoh,

Van le vawlei le rili ah.

Sernak cauk ṭha tein kan zoh,

A kut rianṭuannak kan thangṭhat.

Atu teima tein phung kan chim,

Pathian Pennak kong kha kan thanh.

Pennak nih pekmi thluachuah kong kha,

Lunglawmhnak he hmun kip kan thanh.

Zungzal in lunglawmhnak caan a nai,

Zan dih in chun ceu a phanh bang,

Biakammi vawlei le vanthar ah

Zungzal in lunglawmhnak um lai.