TRÃBI 111
Kʼãrẽ bia kʼarea sobiapanʉ
-
1. Nebia mejãcha erbʉ kʼarea
dayirãra sobiapanʉ.
Ẽbẽra drʉazadebemata
Jeowa ode bakĩrãbʉ.
Daizeze Bedʼea erbʉ baera
mʉ̃ra arigʉ sobiabʉ.
Mʉ̃a maʉ̃ta ewariza lebʉde
mʉ̃a ĩjãbʉta waribʉ.
Jeowaba mʉ̃ sobiabibʉra
ewari jõmaʉ̃nẽbaya.
Bedʼea zroma erbʉbʉrʉ
Jeowaba mʉ̃ra ẽdrʉbiyi.
(KORO)
Iya zokʼabʉta mʉ̃a obʉ
maʉ̃neba mʉ̃ra sobiabʉ.
Sobiara jõka, Jeowaba diaya,
iyime kʼẽrẽpabaya.
-
2. Jeowaba odata akʉbʉde
dayirãra sobiapanʉ:
bajãta, dota akʉza drʉata
Jeowaba iyi zareaba osi.
Daibara ẽbẽrarã bʉmae
bʉ Nokʼo ʉ̃rʉ jaradiabʉ.
Daibara nebia ʉ̃ra zei ʉ̃rʉ
jõmaʉ̃mae jarakabʉ.
Nebia Jeowaba weya adara
aranʉ jõma ũdudaya.
Drʉa biade ewari jõmaʉ̃nẽ
sobia aduʼa panaña.
(KORO)
Iya zokʼabʉta mʉ̃a obʉ
maʉ̃neba mʉ̃ra sobiabʉ.
Sobiara jõka, Jeowaba diaya,
iyime kʼẽrẽpabaya.
(Naʉ̃ra testota akʉrua Deut. 16:15; Is. 12:6; Juan 15:11).