ˈˈTAN 111
Kwa zuʋ̈ˈˈ ˈˈgblü dhi ˗sü ˈka ˗Zlan ˈsaa˗ ˈgü
-
1. ˈWɔn ˗së ˗nu ˈö ˈwo kwa zuʋ̈ˈˈ ˈˈgblü ˗dhi,
Kwa ˈˈɲan ˗an ˈgü ˈˈtʋ̈ŋ ˈsaadhö ˈka.
Zuʋ̈puumɛn ˗nu ˈwo ˈˈsɛ ꞊gban ˈgü ꞊dɛɛ,
˗Wo ꞊ɲɔɔn ˗ni ˗Zlan ˗dhɔkësü ˗bha.
Kwa Dë ˗Zlan ˈˈDhiwo ˗ya ꞊bhlëëgü ˗sü
ˈNën zuʋ̈niidadhe nu kwa ˗dhɛ,
ˈYö kwa ˗bha ˗zoyödhe ˗gɛn ˗yö ˗gban,
Kö ˈkwa ˗ya ˈˈtʋ̈ŋ ˗së nu ˗yi ˗gɔ.
Kwa zuʋ̈ˈˈ ꞊nii ˗yö ˗da ˗sü ˈka ˗kplawo,
ˈÖ ˗Zlan ˗dhɔkë ꞊faan ˈdhö kwa ˗gɔ.
ˈˈKpɔnŋtaawɔn ˈˈgbɩɩ˗ ˗nu ˗wa kë kwa ˈka,
ˈMɛn ˈö kwa ˗zo ˗gban ˈyö ˗tɔ ˗Zlan.
(˗A ˈKUN ˗KƆ)
Kwa ꞊niidamɛn ˈtɔ Zoova,
˗Yö kwa zuʋ̈ˈˈ ꞊nii ˗da ˗wɔn ꞊va ˗kë.
Kwa Dë ˈˈpii ˗yö ˈˈgbɩɩ˗, ˗a zuʋ̈piʋ̈dhɛ ˗së,
˗A këyö ˗nu ꞊va, ˗a ˈˈgblü ˗së.
-
2. ˗Zlan ˗dapë ˗nu ˈwo ˗dhɛ ˈsaadhö ˈgü,
˗An yö ˗sü ˗yö kwa zuʋ̈ˈˈ ꞊nii ˗da.
˗Dapë ˗nu ˈwo ˈˈdhʋ̈ ˗wo kwa ˗dhɛ ˗së,
˗Wo kwa ˗blü ˗Zlan ˗dhɔkësü ˗bha.
Kwa ꞊nii ˗da ˗sü ˈka, ˈkwa ˗Zlan ˈtɔ bhɔ,
˗A ˗bha ˗Gblüdëdhɛ ˈˈtʋ̈ŋ ꞊ya ˗lo.
ˈWɔn ˗së ˗nu ˈö ˗dho ˗an kë ˈˈkpɔnŋ ꞊taa,
˗Kwaa ˗nɔɔn ˗së pö ˗dhɛ ˈˈplɛ ˈgü ꞊dɛɛ.
ˈWɔn ˗së ꞊va ꞊dede ˗dho kë kwa ˗dhɛ,
˗Zlan ˗dho ˈwɔn ˈˈgbɩɩ˗ ꞊gban bho ˈˈkpɔnŋ ꞊taa,
ˈÖ ˈˈsɛ ˗dɛɛ waa dhaŋ˗ ˗dɛɛ nu kwa ˗dhɛ,
Kö zuʋ̈gblüdhi ˗yö kë kwa ˗gɔ.
(˗A ˈKUN ˗KƆ)
Kwa ꞊niidamɛn ˈtɔ Zoova,
˗Yö kwa zuʋ̈ˈˈ ꞊nii ˗da ˗wɔn ꞊va ˗kë.
Kwa Dë ˈˈpii ˗yö ˈˈgbɩɩ˗, ˗a zuʋ̈piʋ̈dhɛ ˗së,
˗A këyö ˗nu ꞊va, ˗a ˈˈgblü ˗së.
(Kpɔɔˈˈ Deut. 16:15; Is. 12:6; Zan 15:11 ˗bha.)