1. Nibii pii hãa wɔmii shɛɔ wɔhe.

Miishɛɛ nɛɛ ji jwetri diɛŋtsɛ.

Nyɔŋmɔ gwantɛŋi jɛɔ maji fɛɛ mli

Bafataa wɔhe kɛsɔmɔɔ.

Nɔ titri ni hãa wɔnáa miishɛɛ

Ji Biblia mli anɔkwalei.

Ŋmalɛi lɛ tsɔɔ wɔ nii be fɛɛ be,

Ni wɔnáa hemɔkɛyeli.

Wɔmiishɛɛ shishifa wa diɛŋtsɛ,

Wɔnuɔ he yɛ wɔtsui mli tɔ̃ɔ.

Tsɛ wɔkɛ naagbai kɛ kai kpeɔ daa,

Shi Yehowa hãa wɔfiɔ shi.

 2. Nyɔŋmɔ nitsumɔi feɔ wɔ fɛo waa,

Eŋwɛi kɛ ŋshɔ kɛ shikpɔŋ.

Biblia hãa wɔnaa enɛɛmɛi fɛɛ,

Ni wɔkãfoɔ lɛ kɛ miishɛɛ.

Wɔyeɔ odase yɛ he fɛɛ he,

Wɔkɛ miishɛɛ jajeɔ akɛ

Nyɔŋmɔ Maŋtsɛyeli miiye nɔ,

Ni no kɛ jɔɔmɔi pii baaba.

Jeŋ fɔŋ nɛɛ sɛɛ, miishɛɛ pii baaba

Tamɔ leebi nyiɛɔ gbɛkɛ sɛɛ.

Wɔmiikwɛ ŋwɛi kɛ shikpɔŋ hee gbɛ;

Wɔmii baashɛ wɔhe diɛŋtsɛ!