ANENE 111
Bukini Kimwareireira
-
1. A bati bukin kimwareireira,
Aika ti karikirakei.
A roko naaka a tangiraki
Man natannaomata nako.
E raoiroi aan kimwareireira.
E boto n ana Taeka Iah.
Ti reirei iai ni katoabong
Ao ti bon onimakinna.
A bon nene baikai ’nanora
Ibukin kimwareireira.
Ngkana a roko kangaanga,
Ti nanomwaaka iroun Iah.
(KORATI)
Bon kimwareireira Iehova
Ao ana mwakuri naba.
A korakora ana mwakuri,
A mwaaka ao n rangi n raoiroi!
-
2. Ti tarai ana karikibwai,
Karawa, taari, te aba.
Ti mimi n ana karikibwai,
Ao ti kamoamoaa Iah.
Ti tokanikai n taekina
Taekan Ana Tautaeka Iah.
Ti kimwareirei ni kabutaa
Moan teina ao kakabwaia.
E a kaan ngkai te kimwareirei
Ae bon akea tokina.
E nangi roko te aonnaba
Ae boou ao karawa naba.
(KORATI)
Bon kimwareireira Iehova
Ao ana mwakuri naba.
A korakora ana mwakuri,
A mwaaka ao n rangi n raoiroi!
(Nora naba TuaKau. 16:15; Ita. 12:6; Ioa. 15:11.)
