LIIT 111
Mer hon fiile tings fer uns fraye
-
1. Mer hon fiile tings fer uns fraye,
Woo mee wëyert hon wii tas këlt.
Tsu uns khome fiil liipe mënxe,
Fon iweraal, aus ti kans wëlt.
Ti frooheet fon unser hërts tiif is,
Wii kuut Kot sayn Wort se ferxteen.
Hëlft kuute ëntxluse se mache
Un uf Kot sayn weech troy se keen.
Ti frooheet in uns aarich tiif is,
Lost hupse un yukse tas hërts.
Wën mer aach propleeme un phayn hon,
Hëlft Kot uns se phake te xmërts.
(REFRAN)
Yeehoowa lost unser hërts froo,
Wii xeen Kot hot ales kemacht!
Wii kroos un soo tiif, tayn ketanke sin.
Kot hot soo fiil kuutheet un macht!
-
2. Wii wunerlich tayn kriatsioon is,
Ti himle, tas meer, tas lant,
Was Kot hot kemacht aarich xeen is,
Mer loope tas tings fon tayn hant.
Kans froo mëyer sin Kot sayn tsayer
Un mache sayn Raych kërn pekhant.
Uf seechne woo mer sin am waarte,
Mer xprëche tas in yeete lant.
Ferxproch hot Kot eewiche frooheet,
Soo wii ti sun khomt noo ti nacht.
Tan, tuun mer uns fraye un yukse
Un yeete tan froo is un lacht.
(REFRAN)
Yeehoowa lost unser hërts froo,
Wii xeen Kot hot ales kemacht!
Wii kroos un soo tiif, tayn ketanke sin.
Kot hot soo fiil kuutheet un macht!
(Kuk aach Deut. 16:15; Isa. 12:6; João 15:11.)
