SONG 111
Oua Happiness Come From Oua God
-
1. Get plenny reasons fo be happy,
Oua hearts stay all full to da max.
Jehovah’s aloha had bring us,
Togedda as one braddahood.
Da tings dat we learn from da Bible,
Help us fo stay all good inside.
All da time we read wat stay in dea,
Fo make oua faith solid an strong.
Get choke stuffs dat make us real happy,
Burn inside jalike one fiyah.
Sometimes get plenny pi-li-ki-a
But Jehovah help us stay strong.
(CHORUS)
Oua happiness come from oua God
Look all da tings dat he wen make.
He so akamai, get all da powah,
No limit fo how good he stay.
-
2. We love fo spock all his creation
Da mauka, makai, an da sky.
We look all da tings dat he make us,
So awesome we sing out real loud.
We happy fo tell evrybody,
Da good tings bout his govament.
Da unreal kine tings dat goin happen,
We tell um to all oua neighbas.
Soon we goin be happy fo eva
Jalike rainbows afta one storm
Is garanz dat life goin come betta
Is one promise from Jehovah
(CHORUS)
Oua happiness come from oua God
Look all da tings dat he wen make.
He so akamai, get all da powah,
No limit fo how good he stay.
(See also Da Rules 16:15, Isa. 12:6, John 15:11.)
