KANSION 111
I Rasottam ira nga Magayayya
-
1. Aru rasottam magayayya,
Gitta kukua nga mangina.
Ta nas’nasion ngamin meddu ay
Ta nittam nakipattadday.
I pagayayya ta unag tam,
Biblia enna negamutan.
Inaggaw tam yaw nga gigiammuan
Tape pangurug massikan.
Pagayayya mariga arian,
Gitta afi ta unag tam.
Nu problema ke-arubangan,
Attam ’yawa ni Jah nittam.
(KORO)
Si Jah i pagayayya tam,
Kingngua na limana, kemmian.
Monag siribna, kappabbaw kuanna,
Nalanna-lanno i piana!
-
2. Ngamin kingnguana kakayà tam,
Langi, davvun, dana-danum.
Ta Biblia pakabibbigattam,
Pinaro nga kedayawan.
Testiguan nga sigga-viktoria,
’Lammuyag Pappatulanna.
Paddattal anna bendisionna,
Ta mundo ay ipaginna.
Pagayayya mappange ngana,
Gitta na nawag ta umma.
Bagu nga langi anna davvun,
Mamagayayya kanayun.
(KORO)
Si Jah i pagayayya tam,
Kingngua na limana, kemmian.
Monag siribna, kappabbaw kuanna,
Nalanna-lanno i piana!
(Innan gapa i Deut. 16:15; Isa. 12:6; Juan 15:11.)
