OLE AVỌ 111
Eware nọ E be Kẹ Omai Evawere
-
1. Eghale buobu no ma bi wo,
E be k’omai evawere.
Ahwo bi no eria kpobi ze
Zurie ze te gọ Ọghẹnẹ.
Ma bi wuhrẹ eware buobu
N’e be k’omai evawere.
Kẹdẹ kẹdẹ o bi wuhr’omai,
Ẹrọwọ mai ọ tẹ be ga.
Udu mai o vọ av’oghọghọ.
Oghọghọ na o rro kẹhẹ.
Ebẹbẹ e tẹ maki t’omai,
Jihova te k’omai ẹgba.
(OZAA)
Jihova h’oghọghọ mai yọ,
Iruo riẹ kpobi i woma.
Eware nọ ma i bi dhesẹ nọ
O w’areghẹ gbe ogaga!
-
2. Emama riẹ e be wer’omai,
Idhiwu, akpọ, gb’abade.
Eware n’e r’eva rai kpobi,
E be wh’ujiro s’odẹ riẹ.
Ma be r’evawere vu’ahwo nọ,
Uvie riẹ te wh’eghale ze.
Re ahwo kpobi a vẹ riẹ nọ
Uvie na te ze kẹle na.
Ma ti wo oghọghọ ebẹdẹ
Eva otakpọ na kẹle.
Idhiwu gb’akpọ n’e be tha na
E te wh’evawere s’omai.
(OZAA)
Jihova h’oghọghọ mai yọ,
Iruo riẹ kpobi i woma.
Eware nọ ma i bi dhesẹ nọ
O w’areghẹ gbe ogaga!
(Je rri Izie. 16:15; Aiz. 12:6; Jọn 15:11.)
