SANG 111
Wi Av Nof Riizn fi Api
-
1. Wi av so moch riizn fi api;
Wi av so moch riizn fi glad
Kaa piipl fram aal bout a jain wi
Fi sing an gi priez tu wi Gad.
Di jai we wi fiil a no plie ting;
Di jai we wi fiil kom fram Ja.
Di jai we wi fiil toch wi aat chring;
It mek wi jraa kluosa tu Gad.
Wi prie, an wi stodi di Baibl;
Wi bil op wi fiet iina Gad.
So iivn duo chobl mie tek wi,
Jeuova, wi Gad, gi wi jai.
(KUOROS)
Di jai we wi fiil kom fram Ja.
Wi priez Gad, Jeuova, abov.
Di ting dem im se, di ting dem im du—
Dem shuo wi im powa an lov.
-
2. Wi sing kaa wi si ou im lov wi;
Wi sing kaa wi si ou im kain.
Wi sing kaa Jeuova Gad yuuz wi
Fi tiich bout im wiez an im mait.
Wi spen taim fi luk pan di ting dem
Im mek fi wi yuuz an enjai—
Di evn, di lan an di sii, an
Wi laif an wi badi an main.
Wi tangk im an gi im di ana;
Wi priez im fi aal im dizorv.
Wi api kaa suun im gweehn gi wi
Wan nyuu Paradais pan di ort.
(KUOROS)
Di jai we wi fiil kom fram Ja.
Wi priez Gad, Jeuova, abov.
Di ting dem im se, di ting dem im du—
Dem shuo wi im powa an lov.
(Riid Deut. 16:15; Isa. 12:6; Jan 15:11 tu.)
