ចម្រៀងលេខ១១១
មូលហេតុដែលយើងមានអំណរ
(ម៉ាថាយ ៥:១២)
-
១. ហេតុយើងមានអំណរមានច្រើនក្រៃលែង
ដូចទ្រព្យដែលកាន់តែមានតម្លៃ
មនុស្សព្រះទាញនាំពីគ្រប់ជាតិសាសន៍
ចូលរួមជាមួយយើងខ្ញុំច្រើនក្រៃ
អំណរយើងខ្ញុំមកពីបណ្ដាំព្រះ
នោះគួរទុកចិត្តអស់ពីចិត្តកាយ
យើងរៀនពីបណ្ដាំព្រះរៀងរាល់ថ្ងៃ
មានជំនឿឥតមន្ទិលសង្ស័យ
ដូចរងើកភ្លើងដែលឆេះរង្គំនោះ
អំណរយើងខ្ញុំមិនចេះសូន្យសាប
ទោះជាយើងមានទុក្ខលំបាកណាក្ដី
ព្រះជួយយើងស៊ូទ្រាំជាដរាប។
(បន្ទរ)
ព្រះយេហូវ៉ាជាអំណរយើង
ស្នាដៃលោកយើងពេញចិត្តកន្លង
លោកមានគំនិតជ្រៅស្នាដៃក៏អស្ចារ្យ
មានឫទ្ធាក៏សប្បុរសផង!
-
២. ផ្ទៃមេឃនិងផែនដីលោកបានបង្កើត
យើងខ្ញុំគយគន់ដោយចិត្តត្រេកអរ
ស្នាដៃលោកយើងមើលទាំងនឹកអស្ចារ្យ
ហើយលើកសរសើរបិតាយើងផង
ដោយអរសប្បាយយើងប្រកាសផ្សព្វផ្សាយ
ពីរាជ្យព្រះដល់គ្រប់មនុស្សា
ចំពោះកំណើតនិងពរនៃរាជ្យព្រះ
យើងប្រកាសប្រាប់នៅគ្រប់ទិសា
មិនយូរយើងនឹងមានចិត្តអរជានិច្ច
ភាពងងឹតជិតកន្លងបាត់ហើយ
មេឃថ្មីនិងផែនដីថ្មីរបស់ព្រះ
នឹងធ្វើឲ្យរីករាយមិនចប់ឡើយ៕
(បន្ទរ)
ព្រះយេហូវ៉ាជាអំណរយើង
ស្នាដៃលោកយើងពេញចិត្តកន្លង
លោកមានគំនិតជ្រៅស្នាដៃក៏អស្ចារ្យ
មានឫទ្ធាក៏សប្បុរសផង!
(សូមពិនិត្យបន្ថែម បច. ១៦:១៥; អេ. ១២:៦; យ៉ូន. ១៥:១១)
