MWIMBU 111
O Kusanguluka Kwetu
-
1. Kusanguluka kwa tu vulu,
Mukonda twa zolo Nzambi.
Avulu a mu sota Nzambi
A mesena ku mu bheza.
Mukonda dya Maka ma Nzambi,
Twa sanguluka mu kidi.
Yoso ya kanena Jihova,
Ya-nda kudikumbidila.
Né mwene malamba avulu,
Kusanguluka ki ku bhu.
Kuxongota mukwa ni tubhya,
Ki twa-nda jimuka kana.
(KOLO)
Jihova, mwene o fixi
Ya kusanguluka kwetu.
Jihova mwene Ngana Sukeku,
Wa tena kubhanga yoso!
-
2. O ibhangelu ya Jihova,
O dyulu, kalunga n’ixi,
Yoso i tu sangulukisa.
Tu i ximana kyavulu.
Tu boka ni muxima woso,
O njimbu ya Utuminu.
Nzambi yetu wa tu kanena,
Kusanguluka kwavulu.
Kal’o dikumbi ki di tunda,
Anga dizubh’o kitombe,
O ixi yobhe ya-nda zubha,
O hadi ni phaxi joso.
(KOLO)
Jihova, mwene o fixi
Ya kusanguluka kwetu.
Jihova mwene Ngana Sukeku,
Wa tena kubhanga yoso!
(Tanga we Mate. 16:15; Iza. 12:6; Nzwá 15:11.)
