CHONDII 111
Nyɛm Ke Naa Nyaaloo Woŋ
-
1. Nyɛm ke naa nyaaloo woŋ cho tau tau,
Mɛɛ sullo wa naa kuiyo yɛ.
Wanaa sɔviaa Mɛlɛka o hɔl
Ba ba fee cho sɔɔŋgoo naa kɛi.
Nyɛ tosa miŋ wa nyaaloo naa wo
Ndu cho yɛ Diom Mɛlɛkaa ni.
Lɔɔlɔɔ fee Diom ndɔɔ cho naa pɛɛkoo;
Miŋ tosa nyɛ naŋ pɛɛku wo.
Nyɛ o nyɛ tɛɛmbuu nyaale naa le,
O cho naa o kɔllo niŋ di.
Tɔɔndaŋ ndaŋ la komal naa bɛɛ hau,
Chɛhowa tosa miŋ biunuŋ.
(CHƐLƆƆ)
Chɛhowa cho nyaale naa ni,
Nyɛm o toosiaa woŋ, ŋ naŋ bɔɔ.
O nɔ taasioo bɔɔ, toosiaa ndɔɔ cho bɔɔ,
O nɔ kɛndɛi a kpaayaa bɔɔ!
-
2. Ŋ naŋ kɔl le nyɛm o toosiaa woŋ,
Choo choo a, peelaŋ, a lɛŋndeŋ.
Ŋ nua pɛ nyɛ nyɛ fee o toosiaa,
Miŋ tɛm balaŋ le wali ndɔɔ.
Le hei yooŋgoo dimioo a nyaale,
A Masale ndɔleŋ okɔɔ.
Lɔɔ le kanduŋ ndo a tɔnɔlaŋ,
Yooŋgoo hoo dimioo a nyaale.
Kɔl kɛndɛ fafɛɛŋndo cho hunɔɔ,
Mɛɛ paŋgeloo o huŋ naa yɛ.
Choo choo a chieeŋ sɛnɛi cho nɛiyo
Cho naa ke nyaaloo lefafɛɛŋ.
(CHƐLƆƆ)
Chɛhowa cho nyaale naa ni,
Nyɛm o toosiaa woŋ, ŋ naŋ bɔɔ.
O nɔ taasioo bɔɔ, toosiaa ndɔɔ cho bɔɔ,
O nɔ kɛndɛi a kpaayaa bɔɔ!
(Tofa vɛlɛ Ditɔnɔ. 16:15; Aisaya 12:6; Chɔŋ 15:11.)
