NKUNGA 111
Kuma kia Luyangalalu Lweto
-
1.Yambula twakala ye kiese,
Nze muntu wokese mavua.
Alembami mu nza yawonso
Benuanga maza ma moyo.
E kiese kia nkangu a Nzambi,
Kituka mu Diambu diandi.
Dikutulonga nzila zandi;
Twasikila muna ludi.
E kiese kieto kilemanga
Nze tiya muna ntim’eto.
Kanele vo tubangikwanga,
Yave i tininu dieto.
(MVUTUKILU)
Tukembelelanga Yave,
Mu salu ya moko mandi.
E ngangu zandi, i zisundidi,
Manene mavangu mandi!
-
2.Tuyangalela nsem’a Nzambi,
Zulu, ntoto ye kalunga.
E Diambu dia Nzambi tutanga,
Twakembela salu yandi.
Ye kiese tusamuna ludi,
Kintinu kia Yave Nzambi.
Tuzayisanga kw’awonsono,
Nsambu zitwasa Kintinu.
Ntangw’a kiese ifinamene,
Nze kuma kufwidi kukiá.
O nsilu wa zulu ye nz’ampa
Utwasa kiese mvu ya mvu.
(MVUTUKILU)
Tukembelelanga Yave,
Mu salu ya moko mandi.
E ngangu zandi, i zisundidi,
Manene mavangu mandi!
(Tala mpe Nsi. 16:15; Yes. 12:6; Yoa. 15:11.)
