HLA 111
Kan hlim chhante
-
1. Kan hlimna tûr chhan ṭha a pung zêl,
A hlutna pung ro hlu angin;
Hnam tin zînga Pathian ngaihsaktu,
Mi rilru ṭhate an kal khâwm;
Kan thinlunga hlimna chu a nghet,
Pathian Thu-ah zung kaih nghetin;
Nî tinin a zirtîrna kan dawng,
Kan thu hriat chuan rinna a siam;
Thinlung chhûngrilah hlimna kan nei,
Tuah mei anga alh chhuak rengin;
Buaina tam tak tâwk ṭhîn mah i la,
Min pe Lal Jehova’n chhelna.
(THUNAWN)
Jehova chu a ni hlimna,
A kut chhuakte’n min pe lâwmna;
A remruat a sâng, a kut chhuak a mawi,
Ṭhatna leh chaknain a khat!
-
2. Pathian thil siam thlîrin kan hlimpui,
Lei leh vân, khawmual leh tuipui;
Lalpa thil siam ropuite thlîrin,
Kut bêngin chawimawina kan hlân;
Lalram chanchin kan puan chhuahnaah,
Hlawhtlinna kan hmu ram tinah;
Lalram pian thu leh a malsâwmna,
Hmun tinah hlim takin kan puang;
Hrehawmna zân thim ral hun a hnai,
Chatuan hlimna kâwl a êng ṭan;
Pathian tiam vân thar leh lei tharah,
Kan chên ang tâwp nei lo hlimna.
(THUNAWN)
Jehova chu a ni hlimna,
A kut chhuakte’n min pe lâwmna;
A remruat a sâng, a kut chhuak a mawi,
Ṭhatna leh chaknain a khat!
(Deut. 16:15; Is. 12:6; Joh. 15:11 en bawk rawh.)