1. Ena boukou rezon pou zwaye,

Ek sa touzour pe ogmante.

Dimounn ki sorti dan tou nasion

Pe zwenn nou lor later antie.

Lazwa dan nou leker bien profon;

So rasinn dan Parol Bondie.

Toulezour nou lafwa vinn pli for;

Ar tou bann kitsoz nou tande.

Lazwa dan nou leker li bien gran,

Parey enn labrez ki brile.

Zeova ed nou pou andire

Kan nou gagn bann difikilte.

 2. Lafore, losean, ek montagn,

Tousala fer nou etone.

Nou admir kreasion nou Bondie,

Nou loue travay so lame.

Asterla, ar fierte, nou prese,

Nou proklam Rwayom Zeova.

Avek zel nou tou nou anonse,

Benediksion ki pou ena.

Parey kouma lizour swiv lanwit,

Biento pou ena bann sanzman;

Nouvo lesiel ek nouvo later,

Nou tou pou viv pou touletan.