1. Пиалын памашым ме муынна,

Пиаллан огеш лий мучаш.

Иегова ӱжеш кажне еҥым

Пиал дене шӱмым темаш.

Шӱмна куана таклан огыл —

Мемнан уло Юмын Шомак.

Тыршен шымлена келге чынжым,

Да тудо мемнам виктара.

Огеш пыте шӱмын куанже,

Эре тудын тулжо йӱла.

Меат тӱкнена ойго дене,

Но Юмына вийым пуа.

 2. Пӱртӱсым ончен ӧрына ме —

Оҥайын ышталтын чыла.

Пӱртӱсын книгам шымлена ме

Да Ыштышынам моктена.

Уже вуйлата Кугыжаныш,

Ме шочмыж нерген ойлена.

Вашталтыш нерген сай уверым

Куанлын ме шаркалена.

Эрта неле илышын йӱдшӧ —

Сай пагыт вашке лишемеш.

Тунам у кава ден у мланде

Куаным кондат курымеш.