YƖƖLL 111
Bũmb wʋsg n kõt tõnd sũ-noogo
-
1. Bũmb wʋseg kõta tõnd sũ-noogo.
B sõorã paasda wakat fãa.
Bõn-neeb yita tẽnsã fãa pʋsẽ,
n wat n naagd tõnd masã.
Bũmb nins sẽn kõt tõnd sũ-noog hakɩɩkã,
bee d Wẽnnaamã Gomdã pʋgẽ.
Daar fãa tõnd karemda Wẽnd Gomdã,
tɩ tõnd tẽebã pãng tar paasgo.
La woto kõta tõnd sũ-noogo,
yaa wa bug-saal sẽn pa kiidi.
Baa tõnd sã n wa paam zu-loees wʋsgo,
a Zeova na n sõnga tõndo.
(REESGO)
A Zeova kõta sũ-noogo.
A sẽn naanã fãa nooma tõnd.
A raab yaa sõma, t’a tʋʋm yaa wʋsgo.
A yaa sõmblem la pãng soaba.
-
2. Tõnd sũyã nooma ne a sẽn naanã,
saasã, ne mogrã la tẽngã.
Bɩ d ges bũmb nins a sẽn naanã fãa,
n zẽk d koees n pẽg yẽnda.
Tõnd kõta kasetã ne yẽesem,
n gomd Wẽnnaam Rĩungã yelle,
n yet nebã tɩ b maan sũ-noogo,
tɩ Rĩungã na n maan’ga bũmb fãa.
Sũ-noog sẽn ka saabã sẽn watã,
pa tol n tõe n vaal abada.
Tẽngã gill sã n wa yɩ arzãna,
tõnd sũ-noogã pa na n sa ye.
(REESGO)
A Zeova kõta sũ-noogo.
A sẽn naanã fãa nooma tõnd.
A raab yaa sõma, t’a tʋʋm yaa wʋsgo.
A yaa sõmblem la pãng soaba.
(Ges-y Tõo. 16:15; Eza. 12:6; Zã 15:11.)
