ULWIMBO 111
Vino Vikatuletela Insansa
-
1. Twawa ni vivule nkaninye,
Vino vikatupi nsansa.
Wano wakwiza mukupepa
Wakufuma mu nko zyonsi.
Insansa zitu izivule,
Zyawa mwi Zwi lya kwe Leza.
Tukaliwazya cila wanda;
Nu kucita vino twivwa.
Vino vikatupa insansa,
Vyawa mu myezo iyitu.
Nanti tungapita mu ntazi,
Yehova katupa maka.
(KORASI)
Yehova katupi nsansa,
Twakunda vino wapanga.
Wawa na mano, na maka sana,
Amuzima mwe vyonsinye!
-
2. Tukalola vino wapanga,
Iyulu insi ni nduzi.
Nga twalola vyo welewula,
Tukamupa umucinzi.
Tukawizizyako na wanji,
Pa Wufumu wa kwe Leza.
Na pe vino wandi wucite,
Tukanenako wonsinye.
Twandi tuluwuke nombanye,
Intazi zyandi zisile.
Insi impya ni yulu lipya
Vilituleteli nsansa.
(KORASI)
Yehova katupi nsansa,
Twakunda vino wapanga.
Wawa na mano, na maka sana,
Amuzima mwe vyonsinye!
(Lolani na Amasu. 16:15; Ayize. 12:6; Yoha. 15:11.)
