NEKUIKATIL 111
Tein kichiua maj tiyolpakikan
-
1. Tel kuali nimomachilia,
miak taman nechyolpaktia.
Tel miakej noyampa kinekij
kitekitiliskej Jiova.
Nochi tein noTajtsin nechmaka
se ueyi tatiochiualis.
ITajtol Jiova nechpaktia
uan senkis nechixyekana.
Maski nikpanotos kuejmolmej
noTajtsin nechyolchikauas;
tein iTajtol Dios tamachtia
nochipa nechpaleuia.
(ESTRIBILLO)
Nitelyolpaki nikchiuas,
itekiyo Dios mojmostaj.
Komo nochipa niktakamati
Jiova semi nechtasojtas.
-
2. Ika yolpakilis tikitaj
itachijchiualis Jiova,
iluikak, taltikpak uan amej,
tein tel kuali kichijchiuak.
Noyampa tiktematiltiaj
iTekiuajyo toTajtsin.
Tiktemouaj tikmoyauaskej
tel kuali tanauatilmej.
Amo uejkaua tikseliskej
tein motenkauani Jiova.
Tinemiskej ika pakilis
itech se kualtsin xochital.
(ESTRIBILLO)
Nitelyolpaki nikchiuas,
itekiyo Dios mojmostaj.
Komo nochipa niktakamati
Jiova semi nechtasojtas.
(No xikonita Deut. 16:15; Is. 12:6; Juan 15:11.)
