गीत १११
हामी आनन्दित हुनुको कारण
-
१. दिन-प्रतिदिन बढ्दै छ हेर,
आनन्द र खुसी हाम्रो।
जाति-जातिका असल मानिस
ओइरिँदै छन् हामीमाझ।
अनन्त छ हाम्रो आनन्द,
याहको वचनले दिने।
शिक्षा उनको सिक्छौँ दिनदिनै;
विश्वासलाई बलियो पार्ने।
हो हाम्रो आनन्द छ पक्का,
मुटुमा ज्वालाझैँ बल्छ।
परीक्षा र दुःख त आउँछन्
तर शक्ति याहले दिन्छन्।
(कोरस)
यहोवा नै हुन् है
हाम्रो आनन्द र खुसीको मूल।
याहका विचार कति छन् उच्च;
उनका कार्य कति महान्।
-
२. ती धर्ती, गगन अनि सागर;
कति सुन्दर याहका काम।
सृष्टिलाई नियाल्दै उनैको,
गर्दछौँ प्रशंसा हामी।
फैलाउँछौँ समाचार जोडतोडले,
भन्दै, “आयो राज्य याहको”;
यसले ल्याउँछ आशिष् प्रशस्तै।
घोषणा हो यो खुसीको।
रातपछि दिन आएझैँ आयो,
आनन्द हेर सदाको।
नयाँ स्वर्ग अनि पृथ्वीले
ल्याउनेछ बहार खुसीको।
(कोरस)
यहोवा नै हुन् है
हाम्रो आनन्द र खुसीको मूल।
याहका विचार कति छन् उच्च;
उनका कार्य कति महान्।
(व्यव. १६:१५; यसै. १२:६; युह. १५:११ पनि हेर्नुहोस्)