1. Fahöna waʼomuso dödö

Niʼokhögöda iadaʼa.

Owulo khöda ngawalö soi

Wamosumange Yehowa.

Umbu waʼomuso dödöda

Daromali Lowalangi.

Na tabaso ero maʼökhö,

Ba monönö wamatida.

Hulö hola-hola galitö

Waʼomuso-muso dödö.

Hewaʼae göna fanandraigö,

Yehowa zangabölöʼö.

 2. Faigi halöwö dangania,

Banua, asi, hegöi tanö.

Nehegö nifazökhinia,

Oya ngawalö zi sökhi.

Möi ita ba wanuriaigö

Famatörö Lowalangi.

Tatutunö ba niha fefu

Howu-howu nibeʼenia.

Faʼomuso dödö sebua,

Hulö na tumbu haga luo.

Lö aetu waʼomuso dödö

Ba gulidanö si bohou.