INGOMA 111
Amabanga Asenza Sithabe
-
1. UZimu uletha ithabo
Ebantwini bephasini.
Basuka eentjhabeni zoke
Bayeza bathabe nathi.
UZimu uyabafundisa
Bathabele amezwakhe.
Baqine babe nokukholwa
Kuzike eenhliziyweni.
Babaseleka ngaphakathi
Nanyana bakghodlhelela.
Nanyana basebudisini
Bakhamba batjhumayela.
(KHORASI)
Sithatjiswa nguJehova,
Sithatjiswe yindalwakhe.
Ilwazi lakhe nomsebenzakhe,
Kukhulu kuyakarisa!
-
2. Sifunda ngelwandle nephasi
Lokho kuletha ithabo.
Sifunde nangeliZwi lakhe,
Sithabe ngefundiswakhe.
Bese nathi siyafundisa,
Sitjhumayele ngomBuso
Ozosilethela ithabo,
Sithabe sijekezele.
Silinde iphasi elitjha,
Kuvuswe nabafileko.
Siphile ngokungapheliko
Sithabela uZimethu.
(IKHORASI)
Sithatjiswa nguJehova,
Sithatjiswe yindalwakhe.
Ilwazi lakhe nomsebenzakhe,
Kukhulu kuyakarisa!
(Eminye imiTlolo: Dut. 16:15; Isa. 12:6; Jwa. 15:11.)
