SIN 111
Biniyé Ił Hózhǫ́
-
1. Jiihóvah nihikʼihadlíigo,
Éí baa nihił nidahoozhǫǫh.
Jiihóvah ayóóʼáyóʼníinii
Ląʼígo nihí hidikááh.
Ayóó God bee danihidziilgo
Éí nihijéí biiʼ baa hózhǫ́.
Bizaad yee nanihinitingo
Niheʼoodląʼ yéigo bidziil.
Ił hózhǫ́ éí doo nineelʼą́ą da.
Nihijéí bił nidahoozhǫǫh.
Nidi achʼįʼ nidahwiiʼnáago
Jiihóvah éí bee nihidziil.
(CHORUS)
NihiDiyin God bee hózhǫ́.
Binaanish ayóó ádaatʼé.
Ayóó ábóodziil, ayóó nitsíkees.
Áko baa nihił dahózhǫ́!
-
2. Ádaalyaaígíí éí nizhóní.
Yá biiʼ, tónteel, índa kéyah
Níilʼı̨́įgo éí ayóó ádaatʼé.
Jiihóvah God baa dahwiiʼniih.
Ayóó baa hózhǫ́ǫgo dahwiilneʼ.
God biNahatʼaʼ baa haneʼ.
Hazlı̨́įʼgo éí akʼihadlíigo
Baa hózhǫ́ǫgo baa dahwiilneʼ.
Hoolʼáágóó nihił dahózhǫ́ǫ doo,
Áko hoolʼin náhodoodleeł.
Nahasdzáán, yáʼąąshii ániidí,
Hoolʼáágóó nihił dahózhǫ́.
(CHORUS)
NihiDiyin God bee hózhǫ́.
Binaanish ayóó ádaatʼé.
Ayóó ábóodziil, ayóó nitsíkees.
Áko baa nihił dahózhǫ́!
(Deut. 16:15; Isa. 12:6; John 15:11 ałdóʼ níníłʼı̨́.)