NYIMBO 111
Tili Ndi Zifukwa Zambiri Zokhalira Osangalala
-
1. Tili ndi zifukwa zambiri
Zakuti tisangalale.
Anthu okondedwa ndi M’lungu
Akusangalala nafe.
Timasangalala chifukwa
Timadziwa Mawu ake.
Timawaphunzira mwakhama
Ndipo amatilimbitsa.
Zotisangalatsa n’zambiri,
Zikuyaka mumtimamu.
Tikakumana ndi mavuto
M’lungu amatithandiza.
(KOLASI)
Yehova Mulungu wathu
Amatipatsa chimwemwe.
Ndi wabwinodi, ntchito zakenso,
N’zazikulu ndi zamphamvu.
-
2. Timasangalala kuona
Kumwamba, nyanja ndi dziko.
Yehova analenga zonse
Ife timamuthokoza.
Timachitiradi umboni
Ndi kulengeza uthenga.
Timalalikira kwa onse
Madalitso a Ufumu.
Kusangalala sikudzatha
Mu dziko latsopanolo.
Zimene anatilonjeza
Tidzasangalala nazo.
(KOLASI)
Yehova Mulungu wathu
Amatipatsa chimwemwe.
Ndi wabwinodi, ntchito zakenso,
N’zazikulu ndi zamphamvu.
(Onaninso Deut. 16:15; Yes. 12:6; Yoh. 15:11.)
