EKYESHONGORO 111
Ebirikutureetera Kushemererwa
-
1. Hariho ebirungi bingi,
Ebirikutushemeza.
Abantu kuruga omu nsi
Nibaija omu mazima.
Nitushemererwa twashoma,
Ekigambo kya Ruhanga.
Okwikiriza nikuhama;
Twayeyegyesa Baibuli.
Ka twine okushemererwa,
Kuruga aha mutima!
Na twagira oburemeezi,
Yehova naaturabyamu.
(KORASI)
Yehova naatuha bingi,
Ebirikutushemeza.
Ebihangirwe, nibishemeza,
Nibyoreka amaani ge!
-
2. Nitureeba emirimo ye,
Nk’eiguru, ensi, n’enyanja.
Nitushemererwa kureeba,
Ebi yaahangire byona.
Okugamba aha Bukama,
Nikishemeza munonga.
Nitwejumba omu kuranga,
Emigisha y’Obukama.
Kandi turi haihi kutunga,
Obusingye n’okumarwa.
Ebintu byona byaba bisya
Nitwija kushemererwa.
(KORASI)
Yehova naatuha bingi,
Ebirikutushemeza.
Ebihangirwe, nibishemeza,
Nibyoreka amaani ge!
(Reeba na Bir. 16:15; Isa. 12:6; Yoh. 15:11.)
