NYIMBO 111
Bzomwe Bzimbatikondwesa
-
1. Ife tina bzinthu bzizinji
Bzomwe bzimbatikondwesa.
Wanthu wa mitundu yensene
Alinkuphatana nafe.
Timbakhaladi wakukondwa
Thangwe ra Fala la M’lungu.
Falalo limbatilimbisa
Pa cikhulupiro cathu.
Cikondweso comwe timbabva
Cimbatipasadi mphanvu
Kuti tipirire mabvuto,
M’lungu an’dzatithandiza.
(KORO)
Yahova Mulungu wathu,
Bzinthu bzomwe adalenga,
Bzimbalatiza lufoyi lomwe
Iye analo kwa ife.
-
2. Tikambawona cirengedwe,
Timbakomedwa mu mtima.
Kudzulu, nyanza na dzikoli
Pabodzi na Fala lace,
Bzimbatipasadi mathangwe
Yakukhala wakukondwa.
Tipalizire wanthu wense
Bza Umambo bwa Mulungu.
Yahova adatipicira
Kutipasa dziko lipsa.
Ni bzomwe tinkudikhirira,
Bzin’citika tsapanopa.
(KORO)
Yahova Mulungu wathu,
Bzinthu bzomwe adalenga,
Bzimbalatiza lufoyi lomwe
Iye analo kwa ife.
(Onanimbo Bzak. 16:15; Zai. 12:6; Ju. 15:11.)
