RÄ JÄHÑÄ 111
Nuꞌu̱ yä raso di pe̱ꞌtsihu̱ pa gä johyahu̱
-
1. Di pe̱ꞌtsihu̱ ndunthi rä johya,
ꞌne hyaxtho di sigi di te.
Di ntini kongekhu̱ xa ndunthi
yä hogä jäꞌi yä yꞌo̱de.
Rä Mäkä Tꞌofo jakägihu̱
dä johya mä korasohu̱.
Mä jamfrihu̱ nzäntho di de̱ni
nuꞌu̱ yä tꞌo̱tꞌe xtä o̱hu̱.
Xa ndunthi yä raso di pe̱ꞌtshu̱
pa gä johyahu̱ xa ndunthi.
Mäske tso̱kägihu̱ yä prueba
di rꞌakhu̱ Jeoba yä jäpi.
(CORO)
Jeoba japi gä johyahu̱,
xa bi hyoki gatꞌho xä ñho.
Mä Hyokätehu̱ xä rꞌakägihu̱
nubye̱ nꞌa rä te mähotho.
-
2. Ko ndunthi rä johya di hanthu̱
näꞌä te bi hyoki Jeoba,
mähetsꞌi, rä ndehe ꞌne gatꞌho
nuꞌu̱ yä tꞌo̱tꞌe xä hyoki.
Ha gatꞌho yä luga di ñähu̱
de näꞌä rä Tsꞌu̱tꞌhui Äjuä,
de hämꞌu̱ bi mu̱di bi mända,
de gatꞌho yä ñho ma dä hä.
Dä ehe rä johya pa nzäntho,
di to̱ꞌmhu̱ rä rꞌayꞌo xiꞌmhai.
Rä rꞌayꞌo mähetsꞌi dä nsunda
pa nzäntho rä thuhu Jeoba.
(CORO)
Jeoba japi gä johyahu̱,
xa bi hyoki gatꞌho xä ñho.
Mä Hyokätehu̱ xä rꞌakägihu̱
nubye̱ nꞌa rä te mähotho.
(Hyandi ꞌnehe Deut. 16:15; Is. 12:6; Juan 15:11.)
